يعنى ايه باريستا – اهم المهام و المهارات بالوظيفة

الباريستا مهنة موجودة في كل مكان على مستوى العالم، وتدور مهام العمل بها حول طرق تقديم المشروبات للعملاء وصنعهم بطريقة مميزة. لو أنت المجال ده من المجالات المُفضلة إلى قلبك وعايز تعرف يعنى ايه باريستا ، تعالى نتعرف على المهنة دي بداية من تسمية ويعني ايه كلمة باريستا لحد مهام المهنة والمواصفات المطلوبة فيك علشان تحقق فيها النجاح الملحوظ وتتطلب بالاسم والعملاء يزورون مكان عملك مخصوص علشانك.

أولاً خلينا نتفق أن مهنة الباريستا بقيت منتشرة بشكل كبير جدًا، وده بسبب زيادة نسبة المطاعم والكافيهات والنوادى في كل البلاد وكل المحافظات مش في مصر بس ولكن على مستوى العالم. وطبعًا ظهر الطلب الكبير لتعيين باريستا علشان يقدر أصحاب الكافيهات أو المطاعم تلبية طلبات العملاء بشكل سريع ومحترف.

جدول المحتويات

يعنى ايه باريستا ؟

باريستا هو الشخص المتواجد في البار وهو مسئول عن استقبال العملاء، وتلقي طلباتهم، ومساعدتهم في طلب مشروباتهم، وإعداد المشروبات لهم، وتقديمها للعملاء، وأخيرًا محاسبتهم. 

ولكن في الأساس الباريستا مطلوب منه إعداد المشروبات وتقديم قائمة مشروبات متنوعة للعملاء بطريقة تجعلهم يكررون زيارة الكافيه أو المطعم بشكل مستمر.

 

أصل الكلمة

كلمة باريستا هي كلمة إيطالية، تعني حارس المرمى. وهي تم إطلاقها في بداية الأمر على الأشخاص اللي يجيدوا صناعة الإسبريسو وطريقة التعامل مع أجهزته. وبعد ذلك أصبحت الكلمة أعم لتشمل كل المشروبات.

 

الوصف الوظيفي للباريستا 

زي ما وضحنا لك من شوية، أنك هتكون على علاقة مع العملاء بشكل كبير، ولكن خلينا نكتشف الوصف الوظيفي بشكل مُفصل. لو أنت عايز تكون باريستا وعايز تعرف يعنى ايه باريستا، ركز معنا في الوصف الوظيفي للمهنة دي. 

الباريستا هو الشخص المسئول عن البار الموجود في أي مكان سواء كافيه، أو مطعم، أو فندق، أو نادي أو أي مكان آخر. لكن مهمتك مش أنك تكون بتقدم أكل أبدًا. أكيد دلوقتى تتساءل هي ايه مهمتك؟

مهمتك بكل بساطة هي أنك هتكون المسئول الأول عن المشروبات المُقدمة للعملاء. طبعاً أنت فاكر أن الموضوع سهل جدًا. ولكن في الحقيقة مش زي ما أنت متخيل. 

تعالى نبسط الموضوع، تخيل دلوقتى دخل عليك مجموعة من الصحاب مكونين من 5 أفراد وكل منهم عايز طلب مختلف ولازم تقدم ليهم طلباتهم مرة واحدة ولازم تكون سخنة أو باردة على حسب الطلبات. مش بس كده كل طلب له طريقة تحضير مختلفة بالتأكيد، في منهم هتحتاج تسخن له لبن أو تحط معيار قهوة معين أو تعمل توليفة من النكهات المختلفة. وكمان أنت بتهتم بالشكل الخارجي للمشروب، يعني عمرك روحت لكافيه وطلبت أي مشروب وجالك من غير تزيين أو شكل مميز أو حتى تزيين للكوب مستحيل. 

كل الحاجات اللي فاتت دي هي الوصف الوظيفي لمهنة الباريستا، فأنت المسؤول الأول والوحيد عن تلبية طلبات العملاء من أول دخولهم لمكان عملك وحتى رحيلهم، وكمان لو أنت باريستا ناجح، العملاء هيكرروا الزيارة لك دايمًا وكمان ممكن يجيبوا أصحابهم معهم في المرة القادمة.

اعرف المزيد عن : كيف تصبح كابتن مطعم

 

المهام الوظيفية لوظيفة باريستا

دلوقتى أنت اتعرفت على الوصف الوظيفي للباريستا، ايه رأيك نقسم كل المهام المطلوبة منك، يوميًا من أول دخولك إلى البار الخاص بك وحتى خروجك منه؟

في بعض الخطوات المهمة اللي لازم تعملها بشكل مستمر علشان تثبت نفسك بأنك باريستا شاطر في مجالك، والخطوات دي هي مهام عملك وهم:

1. الالتقاء بالعملاء والترحيب بهم أثناء دخولهم.
2. عرض قائمة المشروبات عليهم.
3. مساعدة العملاء في اختيار المشروبات.
4. أخذ طلباتهم.
5. تجهيز طلبات العملاء.
6. تقديم الطلبات للعملاء.
7. معرفة رأي العملاء في المشروبات المُقدمة لهم.
8. محاسبة العملاء.
9. توديع العملاء مع التأكيد على أنك في انتظارهم في المرة القادمة.
10. التأكد من النظافة سواء المعدات والأجهزة أو الأكواب والمعالق أو المكان بصفة عامة وخاصة مكان عملك.
11. مراجعة مخزونك من المنتجات المستخدمة في طلبات العملاء والعمل على إعادة تمويل مخزونك بشكل مستمر علشان تتفادي أي عجز.
12. معرفة أجهزة القهوة والماكينات المختلفة المستخدمة في عملك.
13. تطوير قائمة المشروبات بشكل مستمر. 

 

مكان عمل الباريستا

لو أنت باريستا وعايز تعرف ايه الأماكن المختلفة اللي بتحتاج لك بشكل مستمر، أولاً لازم تعرف أن مهنتك مطلوبة بشكل كبير للغاية وده بسبب أن المطاعم والكافيهات من أكثر الأنشطة المنتشرة في أي بلد في العالم. ومن الأماكن دي:

1. المطاعم
2. الكافيهات
3. الفنادق
4. النوادي
5. النوادي الصحية أو الجيم
6. السفن السياحية
7. القطارات

اعرف المزيد عن : كيف اكون امين مخزن ناجح

 

المهارات اللازمة لوظيفة موظف باريستا

ولأن مهنة الباريستا من المهن اللي محتاجة فن من نوع مختلف، مش أي حد يقدر يكون باريستا لأنك محتاج مهارات خاصة وإبداع في مهنتك، ومن المهارات دي:

1. شغف المهنة – زي ما قولنا ليك أن وظيفة الباريستا، محتاجة موهبة وإبداع وطبعًا لأن المهنة متعلقة بالموهبة فبالتأكيد أنت عندك الشغف للمهنة. وبسبب شغفك هتفضل تكتشف مهنتك بشكل مستمر وهتتعلم كل ما له علاقة بالمشروبات واستخدام أحدث التقنيات الموجودة على مستوى العالم. 
2. تعلم كل المعلومات في مهنتك – طبعًا لأنك هتكون بتتعامل مع المشروبات زي البن والشاي والعصائر، فأنت لازم تكون على دراية بكل شيء زي طريقة تحميص القهوة وكيفية طحنه وايه الآلات المختلفة المستخدمة في صنع القهوة بداية من التحميص للطحن وحتى طريقة إعدادها لأن في أدوات كثيرة بتساعدك تعمل قهوة بشكل مختلف و بالنكهات المختلفة.  وكمان أصل القهوة وأماكن تواجدها وإزاي يتم استخلاصها لأن كل الحاجات دي هتخليك تقدر قيمة القهوة اللي بين يديك وأن القهوة لها طعم مختلف وإزاي تعمله بالطريقة الأصلية له. والأمر نفسه في الشاي، والمشروبات الطازجة من خلال انك هتعرف ايه هي مواسم الفواكه إزاي تعمل مشروبات فريش على حسب الموسم بتاعهم.
3. الابتكار والإبداع – وطبعاً لأن مهنة الباريستا تعتمد على الموهبة، فأنت هتكون بتعمل المهنة بحب وبالتالي من تطور الوقت هتستمر في الإبداع وابتكار مشروبات مميزة لمكان عملك ومختلفة وترضي كل الأذواق من خلال دمج نكهات مختلفة.
4. تعدد المهام – هتقابل وقت كتير، هيجي عندك مجموعة من العملاء في نفس الوقت ولازم تقدم لهم مشروباتهم بسرعة وتكون لسه ساخنة أو باردة على حسب طلبهم علشان يستمتعوا بمشروباتهم. وكمان هتحضر لهم المشروبات وهتساعدهم يختاروا من قائمة المشروبات وتقدمها لهم، وتتابع مخزون المنتجات الخام عندك وتحدد اللي قرب يخلص علشان تزود المخزون به، كل ده في نفس التوقيت اللي بتعمل فيه المشروبات في أسرع وقت. وكل مشروب بطريقة إعداده المختلفة.
5. الاهتمام بالتفاصيل الدقيقة – لو عميل يزور مكان عملك بشكل يومي وكل يوم يطلب نفس المشروب، بالتالي المفروض تهتم به لأنه من العملاء المتكررين ومجرد حضوره تبدأ تحضر له مشروبه المفضل. كمان في تفاصيل بسيطة في إعداد المشروبات هتفرق جذريًا في مذاق أي مشروب، اهتم بيهم جدًا. كمان لو جالك عملاء، تبدأ تركز في كل تصرفاتهم وتقدم لهم طلبهم بالشكل المناسب معهم ومع تصرفاتهم.
6. مهارات التواصل – طبعًا أنت هتتعامل مع العملاء طول وقت عملك، فأنت أكيد لازم تمتلك مهارات التواصل وابسطها أنك تبتسم للعملاء وترحب بهم بكلمات لطيفة. وكمان كل ما كنت متعاون وطريقتك محبوبة، هتلاقى العملاء يطلبوا مساعدتك في اختيار طلباتهم وهنا يجي دور الفنان اللي جواك.

 

متطلبات العمل في وظيفة موظف باريستا

زي ما في مهارات لازم تنميها، في متطلبات في عملك كباريستا لو معملتهاش هتخسر وظيفتك لأنك بكل بساطة هتخسر العملاء. والمتطلبات دي هي:

• النظافة – أهم حاجة في وظيفتك هي النظافة، لأن معداتك ومكان عملك بيكون ظاهر للعملاء وبالتالي أي سوء نظافة هيخلى العملاء ينفروا منك ومن المكان بصفة عامة. وكمان النظافة مطلوبة في الأدوات اللي بتستخدمها، بعد كل مشروب لازم تنظفها كويس. والأكواب والمعالق لازم يكونوا معقمين بشكل كويس جدًا.
• التدريب – لأن صناعة المشروبات يتطور كل يوم، وأنت علشان تلتحق بالتطور ده لازم تتعرف على كل ما هو جديد وتتدرب وتدرس علشان تتميز في مجال عملك.
• ابتكار الحلول – من الطبيعي أنك هتقابل المئات من المشاكل بشكل مستمر في عملك، ودورك هنا أنك تتعامل مع المشاكل دي بشكل ذكي وتحلها بطريقة مبتكرة، تخلي المشكلة دي تتحول لنقطة قوة لمكان عملك.
• التجديد – أي إدارة مطاعم أو كافيهات دائمًا بتحتاج باريستا عنده موهبة التجديد، من خلال ابتكار مشروبات جديدة وعرضها عليهم لإضافتها لقائمة المشروبات، الطريقة دي هتخليك تكتسب ثقة الإدارة وهتقدر تضع بصمتك الفريدة في المكان.
• الاهتمام بالمظهر – لأنك تتعامل مع العملاء، مينفعش لبسك يكون فيه بقع أو يكون شكلك غير مهندم. 

اعرف المزيد عن : ماهي مهام اخصائي التوظيف

 

المستوى التعليمي لموظف الباريستا

مفيش مستوى تعليمي معين محتاج الباريستا يكون حاصل عليه، ممكن شهادة الثانوية العامة أو ما يعادلها، وبسبب أن مهنة الباريستا هي قائمة في الأساس على الموهبة وليست علم. مع العلم أن في بلاد كثيرة توجد بها كليات لتعليم الباريستا وهناك دراسات ماجستير أو دكتوراه لتطوير مجال الباريستا. 

 

راتب موظف الباريستا

راتب الباريستا يتراوح بين 1690 جنيه مصري وحتى 5230 جنيه مصري. ويختلف طبعًا وفقًا لخبراتك ومكان العمل وحجم الشركة. وفى بعض الأماكن، يقوموا بتقسيم الأرباح على الباريستا بشكل متوازن بالإضافة إلى الراتب.

 

ترتيب راتب الباريستا حسب الأقدمية

وطبعًا لأن الخبرة بتفرق في الراتب، هناك سلم وظيفي بالطبع في وظيفة الباريستا وهم: مدير البار، وبعده يأتي باريستا سنيور ثم باريستا جونيور ثم باريستا مبتدئ. 

 

كيف تصبح باريستا

علشان تكون باريستا وبعد ما عرفت يعنى ايه باريستا أنت مش محتاج مؤهل دراسي معين علشان تكون باريستا، ولكن في دورات أون لاين تعلمك ازاي تعمل المشروبات بشكل مبتكر وإزاي تتعامل مع الماكينات المختلفة وطرق خلط النكهات وتزيين الأكواب علشان تكون على دراية تامة بأساسيات الباريستا. 

كمان لازم تكون على دراية بأساسيات النظافة والشكل العام للمكان و مظهرك الأنيق ومهارات التواصل المختلفة.

 

تدريب الباريستا

فى بعض التدريبات في مجال الباريستا متواجدة على الانترنت وبشكل مجاني، تقدر تنضم ليها وتتعلم كل أساسيات الباريستا بداية من مسك الأكواب أثناء أعداد المشروبات لحد تقديمها وتزينها بشكل مميز. والتدريبات دي بتكون بشهادة.

ومن الناحية الثانية، في تدريبات تهتم بتعليمك النظافة والسلامة لتتمكن من تطبيقها في مكان عملك.

 

كيفية توظيف الباريستا

بيتم توظيف الباريستا، بناءًا على خبراته وإمكانياته في التعامل مع الضغط الشديد ومعرفته بالمشروبات المختلفة والمبتكرة وكيفية إعدادهم وما الفرق بين المشروبات من نفس المكونات مثل مشروبات القهوة بأنواعها. 

ومن معايير التوظيف حسن المظهر ومهارات التواصل مع الآخرين بشكل لطيف ولذيذ. 

 

مسابقات الباريستا

بصفة عامة الباريستا والطباخين والمبتكرين في مجال المأكولات والمشروبات، دائمًا بيكون لهم مسابقات على مستوى العالم تجمع بين كل الموهوبين في المجال من كل دول العالم و ينافسوا على تقديم الطعم الألذ و الأشهى بالشكل الأنيق والمبتكر.

 

ابتكار مشروبات متخصصة

لأنك باريستا فأنت شخص مبتكر، دورك الرئيسي أنك تنمى موهبتك. وتنميتها تتم من خلال تجربة كافة أنواع المشروبات والنكهات المختلفة، في النهاية هتلاقى نفسك بتجرب تدمج أنواع مختلفة من النكهات، علشان توصل أنك تعمل مشروبات بنكهات مختلفة خاصة بك أنت بس.

 

باريستا التدريب والخبرة

زي ما قولنا في السطور القليلة السابقة، الباريستا محتاج يتدرب دائمًا على كل ما هو جديد وعلى استخدام الماكينات الحديثة، وهناك تدريبات متوافرة على الانترنت اونلاين تقدر تكون جزء منها وتتعلم كل أساليب إعداد المشروبات الحديثة.

 

أدوات وظيفة عامل باريستا

عامل الباريستا لازم يكون معاه بعض الأدوات زي ماكينات القهوة، مضرب اللبن، مكبس البن، مبرد اللبن، كنك القهوة، خلطات العصائر، الصوصات المختلفة، والميزان، والتامبر، وإناء تبخير اللبن وغيرها من الأدوات الأخرى اللي من المؤكد أنت هتقابلها في أي تدريب باريستا.

 

الباريستا الناجح

وضحنا لك من شوية المهارات والمتطلبات علشان تكون باريستا، ولكن علشان تكون ناجح ومميز، أنت محتاج تنمى كل المهارات والمتطلبات دي وبالإضافة لهم لازم تكون شخص مبتكر ومفكر دائمًا بتدور على الطريقة الجديدة لابتكار مشروب جديد، يجمع بين النكهات وتجربه، وتعرف فوايد كل نكهة وايه مميزاتها في الطعم و تدرس درجة حرارة كل مكون من المشروب علشان يوصل للعميل بالمذاق الأفضل له. 

علشان تنجح في مجال الباريستا، أنت محتاج تكون ديناميكي تقدر تتحرك بين الماكينات المختلفة وتحليل شخصيات العملاء من خلال النظر لهم ولتصرفاتهم، علشان تقدم لهم مشروباتهم بتزين يتوافق معهم ومع شخصيتهم، لازم تحافظ على إبهار عملائك بشكل مستمر.

 

دورات باريستا أون لاين

لو عايز تعرف أماكن تحصل فيها على دورات تدريبية في مجالك، أكبر موقع هو academiccourses في الموقع ده هتتعرف على طرق إعداد القهوة بمختلف الطرق بالإضافة إلى أنك في نهاية الدورة التدريبية الأونلاين هتحصل على شهادة معتمدة من جمعية القهوة المتخصصة SCA.

 

معاني أخرى لكلمة باريستا

باريستا لها معنى آخر في اللغة الإيطالية هي معنى حارس المرمى.

 

البطولة العالمية للباريستا

علشان تصدقنا لما قولنا لك أن مهنة الباريستا هي في الأساس موهبة، في بطولة بتنظهما رابطة البن المختصة في أمريكا وأوروبا لكل الباريستا. وكل سنة بيتم تتويج باريستا كأفضل باريستا في العالم. الباريستا ده اللي بيجمع بين الموهبة في دمج نكهات مختلفة في مشروب واحد لذيذ وشهى ومبتكر مع الاحتفاظ بمهارات الباريستا المختلفة.

 

يوم باريستا الوطني

في عام 2019، قامت شركة Almond Breeze Barista Blend الأسترالية بتخصيص يوم عالمي للباريستا، لتقدير مجهوداتهم الجبارة، كما أن خلال هذا اليوم تتم مسابقة بين الباريستا ويحصل الفائز على لقب Australia’s Barista of Choice ومبلغ مادي 5000 دولار.

في النهاية، بعد ما عرفت يعنى ايه باريستا وإزاي تكون باريستا شاطر ولو لسه شايف انك حابب المجال وعندك الموهبة الاستثنائية في ابتكار مشروبات متترددش في أنك تبدأ مسيرتك المهنية دلوقتى وتبدأ التدريبات الأونلاين. وتدور على الفرص المناسبة لك، وعلشان توفر وقت انضم دلوقتى لمنصة Jobs In Deep وهتلاقى وظائف كثير للباريستا علشان تحقق حلمك بكل سهولة وفى أسرع وقت ممكن.