ازاى اعمل انترفيو لحد بالتفصيل

لو أنت مسئول موارد بشرية وعايز تنمي مهارتك في عمل انترفيو بشكل محترف، أو لو كنت مدير أو موظف في أي قسم ومطلوب منك عمل انترفيو لحد. الموضوع أكيد صعب وبتفكر كتير جدًا عن إزاي تقدر تعمل انترفيو وتختار موظف يكون هو مستقبل الشركة، وتبعد عن المرشحين الغير كفء. 

الانترفيو في الطبيعي ينقسم لخطوات معينة، لازم تتبعها بشكل سليم علشان تقدر تعمل انترفيو لحد ويكون انترفيو ناجح جدًا. لو لسه عايز تتعرف على الخطوات دي بالتفصيل، كمل قراءة المقالة دي هتلاقي فيها إجاباتك عن كل استفساراتك.

جدول المحتويات

خطوات عمل انترفيو لحد 

الانترفيو هو الطريقة المعتمدة للتعرف على المرشح بشكل عملي واحترافي، هيكون مطلوب منك أنك تكون مستمع لأنه حوار للكشف عن مهارات المرشح، ولكن قبل ما تبدأ الانترفيو، أنت محتاج تعمل بعض الخطوات، والخطوات دي عبارة عن: 

 

• الاستعداد للانترفيو

الاستعداد للانترفيو من خلال أنك تحدد متطلباتك واحتياجاتك من الشخص المرشح للوظيفة. استخدم ورقة وقلم، واكتب فيهم كل مهام ومسئوليات الشخص المطلوب للتعيين. وضع خطوط عريضة لا يمكن الاستغناء عنها في الموظف الجديد. الطريقة دي هتخليك تعرف تختار الشخص المناسب من ضمن عدد كبير.

اقرأ المزيد عن : كيف تكون مدير إدارة موارد بشرية ناجح

 

• اختيار لجنة المقابلة

بعد الاستعداد وتحديد احتياجاتك من المرشح، لازم تبدأ الخطوة الثانية وهي انك تحدد مين هيكون في لجنة اختيار الموظف في الانترفيو. عادة في أغلب الشركات بيتم اجتماع أكثر من شخص علشان يعملوا انترفيو معاك. 

والانترفيو هتحتاج يكون معاك حد من القسم الطالب لتعيين موظف، ومسؤول الموارد البشرية، والمدير المباشر للمرشح. لكن اهتم أن اللجنة تكون 5 أشخاص بحد أقصي. ويفضل تكون مكونة من 3 أشخاص بس. 

اقرأ المزيد عن : اسئلة انترفيو call center

 

• تحديد التوقيت والمدة

خلصت أول خطوتين؟ 

الخطوة الثالثة هي الاتفاق مع أعضاء اللجنة على الوقت والزمن المناسب للجميع لعمل انترفيو لحد. بعد تحديد الموعد مع أعضاء اللجنة، اتصل بالمرشحين وبلغهم بالمواعيد المتاحة وحدد لكل حد ميعاد خاص له فقط.

 

• إعداد الأمور اللوجستية والمساعدة 

في هذه الخطوة، ابدأ في تجهيز مكان المقابلة، حتى لو داخل الشركة، أنت محتاج تحدد مكان يكون مغلق، وهادئ ويكفي لتواجد عدد كبير من الأشخاص في نفس الوقت. 

وممكن تطلب مساعدة من العاملين في المكان أنهم يساعدوك علشان تنظم المكان بالشكل المطلوب. 

اقرأ المزيد عن :اسئلة انترفيو شركة we سيلز

 

• التحضير للمقابلة والأسئلة التي ستطرح

آخر خطوة وهي الأهم من وجهة نظرنا، ألا وهي تحديد الأسئلة. في أسئلة كثيرة تقليدية جدًا ومتداولة في كل الانترفيوهات، حاول دائمًا تكون مميز في أسئلتك. 

ابدأ بقراءة الوصف الوظيفي للمنصب، وعلى أساسه اسال المرشحين عن معرفتهم بكل جزء منه. وكمان فاكر لما قولنا استعد للانترفيو بورقة وقلم واكتب متطلباتك، اسأل المرشح عن المتطلبات دي وهل عمل حاجة فيهم قبل كده في أي وظيفة تانية.    

 

• أفضل أسئلة يجب طرحها وانت بتعمل انترفيو لحد

فيه أسئلة مختلفة ومتنوعة في لكل مجال أسئلة مُحددة، بس لو اتكلمنا بشكل عام، هيكون في بعض الأسئلة المهمة، اختار منهم الأسئلة المناسبة مع المهنة ومع المرشح:

1. عرف نفسك ودراستك؟
2. إيه هي خبراتك العملية السابقة؟
3. ليه عايز تسيب شركتك الحالية؟
4. إيه أكثر موقف أثر فيك وفي شخصيتك؟
5. إيه المهارات اللي اكتسبتها من شغلك؟ 
6. إيه هي عيوبك؟
7. إيه هي مميزاتك؟
8. إيه أكبر إنجاز حققته في حياتك؟
9. قولي عن مشكلة قابلتك في الشغل وحلتها إزاي؟ 
10. شايف نفسك ايه بعد 5 سنين؟
11. إيه اللي يخليني اختارك أنت؟ 

اقرأ المزيد عن : اسئلة انترفيو فودافون سيلز

 

• كيفية طرح الأسئلة على مقدم طلب الوظيفة

حاول دايمًا عند طرح أي سؤال حساب الوقت الذي سيستغرقه، واختار الأسئلة اللي ليها علاقة بالوظيفة بشكل كبير علشان تقدر تقيس مهارات وخبرات المتقدم وهو ده الهدف الرئيسي من الانترفيو. 

بلاش الانترفيو مع حد يكون مدته طويلة، لذلك اختار الأسئلة السليمة وبلاش الأسئلة الشخصية اللي ممكن متكونش لها أهمية كبيرة. اختار اسئلتك، واطرحها بشكل سليم وواضح وصوت واضح علشان تتفادي أي لبس، وحافظ على ابتسامتك طول الانترفيو وأنت بتطرح السؤال.

 

• كيفية تقييم مقدم طلب الوظيفة

بعد أي انترفيو لازم تبدأ تراجع كل الأسئلة والإجابات الخاصة بالمرشح وبعدها هتبدأ في تقييمه، أنت واللجنة. ولكن فيه بعض الأشياء لازم تتأكد منها وتركز فيها كويس جدا ومن الأشياء اللي غير مُحبذة أبدًا في أي مرشح وهم: 

1. ذكر مساوئ الشركة السابقة له، أو قال سلبيات الأشخاص أو الإدارات أو المدراء أو سياسات الشركة.
2. أسباب غير منطقية عن سبب تنقله كثيرًا بين الشركات في فترة زمنية قصيرة جدًا يعني مثلا اشتغل في 4 شركات في خلال 3 شهور، ده مؤشر مش كويس خالص. 
3. لو سبب أنه يسيب الشركة هو قلة المرتب وأنت مقدم نفس المرتب.
4. من أسباب ترك الوظيفة هو عدم الترقية، مع العلم أن الوظيفة الخاصة بشركتك بنفس منصبه من دون ترقية.
5. أي مرشح يرفض إعطائك أرقام من شركته السابقة، ده بيأكد على كذبه في الإنترفيو معاك.

اقرأ المزيد عن : اسئلة انترفيو فى شركات التامين

 

ما يجب فعله في كل حالة من هذه الحالات

من خطوات التقييم لأي انترفيو، هي أنك تتواصل مع أعضاء اللجنة وتبدأ في معرفة رأي كل الأفراد وعلى أساسه بيتم اختيار الشخص المناسب، لكن فيه بعض الحالات اللي ممكن تقابلك، واحنا هنقولك تتصرف إزاي في الحالات دي: 

 

• الحالة الأولى: مرشح مناسب للوظيفة

اجمع كل أعضاء اللجنة على أن المرشح مثالي وتم قبوله في الوظيفة، هتحتاج ترسل له عرض الوظيفة على الايميل الخاص به وتطلب منه أنه يقبله، حاول تبعت الايميل ده في خلال 24 إلى 48 ساعة من موعد الانترفيو. 

لو هتتأخر في إرسال الايميل ده، اتصل به وبلغه أنه نجح في الانترفيو وهيتم إرسال ايميل له قريبًا. 

 

• الحالة الثانية: مرشح جيد ولكن لا يوجد اتفاق على مناسبته

أحيانا ممكن تقابل المرشح المثالي، بس حد من أعضاء اللجنة هيكون عنده تعليق سلبي على شخصية المرشح على العلم من أنه مناسب جدًا، في الحالة دي، لازم تسمع الرأي ده وتشوف إذا كان بناء ولا انتقاد مش هيأثر على العمل. 

ويفضل في الحالة دي، تستني لتانى يوم علشان تعرف الرأي الأخير لفرد اللجنة صاحب التعليق السلبي على شخصية المترشح. 

 

• الحالة الثالثة: مرشح غير مناسب 

الحالة الأخيرة اللي ممكن تقابلها عند عمل انترفيو لحد وهي أن المرشح غير مقبول بالمرة، في الحالة دي تتواصل معه وتأكد له أنه للأسف مش مناسب مع المهنة ولكن السي في بتاعه هيفضل معاك في حال وجود فرصة عمل جديدة. 

اقرأ المزيد عن : اسئلة انترفيو customer service

 

أمور يجب مراعتها عند إجراء الانترفيو

ودلوقتى مع آخر جزء في المقالة وهي بعض النصائح لك علشان تعمل انترفيو مع حد بشكل سليم 100%

 

• اقرأ السي في الخاص بالمرشح

من طرق الاستعداد لأى انترفيو، أنك تقرأ سي في المرشح كويس جدًا وتعمل نقاط فيه، علشان تسأل المرشح عن الحاجات اللي أنت مش فاهمها أو علشان تتأكد من صحتها.

 

• امنع التدخين 

بلاش تدخن في أي انترفيو، حتى لو كنت مدير، وكنت بتعمل انترفيو لمرشح مش في منصب كبير، احترم المرشح، من الممكن يكون مش بيدخن أو يكون عنده حساسية من الدخان.

اقرأ المزيد عن : انترفيو مشرف مبيعات

 

• أسمع باهتمام المتقدم ولا تقاطع

الانترفيو هو عبارة عن 80% حديث للمرشح و20% لك، فلا داعي أنك تحول الانترفيو لمكان تعرض فيه إنجازاتك، استمع للمرشح فقط. 

 

• انظر في عين المتقدم

من أهم النصائح أنك تنظر للمرشح في عينه، ولكن عرفه أنك ستحتاج إلى كتابة بعض الملحوظات، ولكن أنت تسمعه جيدًا. ولكن حاول أن الكتابة تكون مش كتير وباقي الوقت ركز للمرشح وانظر إليه في عينه.

 

• اظهر للشخص المتقدم للوظيفة كل الاحترام

مش معنى أنك مسئول عن توظيف أنك تتعامل مع المرشحين بأسلوب مش كويس، اهتم جدًا أنك تتعامل باحترام معهم، وعلى الأقل لازم تقف وتسلم عليهم بحرارة عند بداية المقابلة. 

اقرأ المزيد عن : اسئلة انترفيو شركات الاستثمار العقارى

 

• أكسر حاجز التوتر 

طبيعي أن المرشح يكون عنده حالة من حالات التوتر الكبير، وأنت من دورك أن تكسر التوتر ده، وده من خلال أنك تسأله أنه قدر يوصل بسهولة وأن الطريق كان كويس ولا زحمة، أسئلة الهدف الوحيد منها أنك تخلق حالة من الصداقة في بجاية الانترفيو.

 

• أخبره جيدا عن الشركة والوظيفة

بعد البداية وكسر التوتر، ابدأ بتعريف عن نفسك، وعن الشركة في جمل بسيطة وبعدها ابدأ الانترفيو والأسئلة. 

 

• لا تقم بتصحيح المعلومات

افتكر دايمًا أن الانترفيو هو مش امتحان فيه صح وغلط ولكن طريقة لمعرفة مهارات وخبرات المرشح، فلا داعي انك تصحح معلومة خطأ قالها المرشح. 

اقرأ المزيد عن : اسئلة انترفيو مهندس اتصالات

 

• التزام بوعد الرد خلال يومين

من أهم النصائح اللي نقدر نقولها لك، أنك لازم تعرف المرشحين بوضعهم سواء بالقبول أو الرفض. للأسف فيه شركات كتير بتكتفي أنها تبلغ المقبولين فقط، ولكن علشان تكون أكثر احترافية، حاول تتواصل مع المرشحين وتعرفهم وضعهم. 

 

• اتصل بشركاته السابقة

علشان تتأكد من أن المرشح هو المثالي لك، كلم الشركات اللي كان بيعمل فيها قبل كده، واسألهم عنه واعرف ردهم لأن مش دايمًا يكون السبب اللي قاله في الانترفيو هو الصح، لذلك يجب أن تتواصل مع هذه الشركات.

في النهاية، عمل انترفيو مع حد مش موضوع صعب أوي ولكن محتاج تعرف أساليب نجاحه وإزاي تقدر تسأل أسئلة منطقية من غير ما تضيع وقت لأي حد من الطرفين. وممكن تبدأ مسيرتك المهنية بكل سهولة الآن كمسئول موارد بشرية مع Jobs In Deep زر الموقع وهتلاقى فرص عمل كتير جدًا لك من غير تعقيد.